Քեթի Փերիին եւ Օռլանդո Բլումին բաժանումից հետո նկատել են միասին՝ Ջեֆ Բեզոսի սուպերզբոսանավով շրջելիս

PEOPLE-ը հաղորդում է, որ Քեթի Փերիին և Օռլանդո Բլումին նկատել են միասին հանգստանալիս՝ բաժանման մասին հայտարարելուց մի քանի օր անց։

Հուլիսի 6-ին «Firework»-ի 40-ամյա երգչուհուն և «Կարիբյան ծովի ծովահենները» ֆիլմի 48-ամյա դերասանին նկատել են իրենց ընկերների՝ 61-ամյա Ջեֆ Բեզոսի և 55-ամյա Լորեն Սանչեսի սուպերզբոսանավում՝ Իտալիայի Ամալֆի ափին։

Նախկին զույգը և նրանց դուստրը՝ Դեյզի Դովը, վայելել են օրը ջրի վրա և զբոսնել ափամերձ քաղաքում։ Փերին, ձեռք ձեռքի տված Դեյզիի հետ, քայլում էին նավահանգստով, իսկ Բլումը բարձրացրել էր դստերը՝ խաղալով տախտակամածի վրա։