Յուլիա Կովալչուկը՝ Ալեքսեյ Չումակովի հետ ամուսնության մասին. Վատ սեքսով ընտանիքը երկար չի կարող գոյատևել

Ռուս երգչուհի Յուլիա Կովալչուկը «Չար լեզուներ» շոուի նոր թողարկման մեջ անկեղծորեն խոսել է ամուսնու՝ Ալեքսեյ Չումակովի հետ իր անձնական կյանքի մասին, այդ թվում՝ նրանց հարաբերությունների ինտիմ կողմի, ամուսնության սկզբում ունեցած դժվարությունների և ամուսնու հնչեղ արտահայտությանը իր արձագանքի մասին, որի համար նա խիստ քննադատության ենթարկվեց համացանցում։

«Ընտանիքը չի կարող ուժեղ լինել առանց լավ սեքսի», — ասել է 42-ամյա արտիստուհին։ «Ամեն ինչ տեղի է ունեցել գործնականում մեր առաջին հանդիպման ժամանակ։ Մենք մեծահասակներ ենք, և անմիջապես ցանկացանք հասկանալ, թե որքանով ենք համատեղելի միմյանց հետ բոլոր մակարդակներում»։

Ըստ Կովալչուկի՝ իրենց համատեղ կյանքի առաջին տարիները հեշտ չեն եղել։ «Մենք վիճում էինք, բայց երբեք չէինք դիմում վիրավորանքների։ Ես ինքնաբավ արտիստ էի, և իմ կողքին ուժեղ, ինքնավստահ տղամարդ էր։ Ես պետք է սովորեի զիջել, խոստովանել, որ նա ճիշտ է։ Դա հեշտ չէր. տարիներ պահանջվեցին միմյանց լսել սովորելու համար», — խոստովանել է երգչուհին։

Նա նաև անդրադարձավ հնարավոր դավաճանության թեմային։ Դավաճանության դեպքում Յուլիան չէր շտապի բաժանվել. «Նախ կփորձեի հասկանալ, թե ինչն է դրա պատճառը։ Հնարավոր է՝ նույնիսկ պատասխանը կփնտրեի ինքս իմ մեջ»։

Կովալչուկը նշել է, որ ամուսնու նկատմամբ ատելության ալիքից հետո իրենց հարաբերությունները միայն ամրապնդվել են։ Արտիստը բազմիցս ծաղրել է քննադատությունը, իսկ Ալեքսեյ Չումակովը, իր հերթին, հայտարարել է, որ իրենց ընտանիքում ինքն է դարձել «բռնության զոհ», քանի որ բանկային քարտը կնոջ ձեռքում է։

Հիշենք, որ սկանդալը բռնկվել է Չումակովի հարցազրույցից հատվածներ հրապարակվելուց հետո, որտեղ նա ասել է, որ Յուլյային ընտրել է «փչե՞լ, թե՞ չփչել» սկզբունքով։ Բացի այդ, նա կարծիք է հայտնել, որ ամուսնության մեջ «ոչ ոք ոչ մեկին ոչինչ պարտք չէ»։ Այս խոսքերը դատապարտման ալիք են առաջացրել. երաժիշտը մեղադրվել է սեքսիզմի, կնոջ նկատմամբ անհարգալից վերաբերմունքի մեջ և անվանվել է բռնարար։