Blackpink խմբի Ջեննին պատրաստվում է հայտարարել իր մասին որպես մենակատար՝ իր դեբյուտային ստուդիական «Ruby» ալբոմի անոնսով, հայտնում է Variety-ն։
Ալբոմը, որը թողարկվելու է մարտի 7-ին, կտարածվի նրա սեփական լեյբլի՝ Odd Atelier-ի միջոցով՝ Columbia Records-ի հետ համատեղ: 15 տրեկներից բաղկացած ալբոմը ներառում է համագործակցություններ այնպիսի կատարողների հետ, ինչպիսիք են Childish Gambino-ն, Dua Lipa-ն, Doechii-ն, Dominic Fike-ը, FKJ-ը և Kali Uchis-ը:
Ալբոմում կներառվի նաեւ հոկտեմբերին թողարկված «Mantra» սինգլը։ Այն արդեն զգալի ուշադրություն է գրավել՝ գլխավորելով iTunes Top Songs աղյուսակը 47 երկրներում, այդ թվում՝ ԱՄՆ-ում, Բրազիլիայում, Սինգապուրում և Մեքսիկայում: Այն նաև պատմության մեջ մտավ որպես մենակատար K-pop կատարողի առաջին երգը, որը զբաղեցրել է առաջին տեղը iTunes Top Songs չարթում Միացյալ Նահանգներում և երկու շաբաթ անընդմեջ մնալ Billboard Hot 100 չարթում։
