Սաբրինա Քարփենթերին քննադարել են «չափազանց անպարկեշտ» կերպարների համար և մեղադրել «կանանց իրավունքների ոտնահարման» մեջ
Սաբրինա Քարփենթերին քննադատել են իր «չափազանց ոչ պատշաճ» բեմական կերպարների համար և մեղադրել «կանանց իրավունքները ոտնահարելու» մեջ, գրում է Daily Mail-ը:
Անգլիացի երգահան և պրոդյուսեր եռյակը` Մայք Սթոքը, Մեթ Այթկենը և Փիթ Ուոթերմանը քննադատել են երգչի սեքսուալ կերպարն ու երգի բառերը` դրանք անվանելով «ծույլ»:
78-ամյա Փիթը պնդել է, որ աստղը հագնվում է փոքրիկ աղջկա պես, ինչը նա «վիրավորական» է համարում: Նա հայտարարել է, որ Սաբրինան կարիք չունի սեքսուալացնելու իր կերպարը, քանի որ տաղանդ ունի:
Փոփ աստղերի նախկին դատավորն ասել է, որ իրեն «կսպանեին», եթե 30 տարի առաջ հրամայեր արտիստներին նույն կերպ վարվել՝ պնդելով, որ Մադոննան միակ կատարողն էր, ով երբևէ մոտեցել է նման տեսքին:
«Կանայք հասել են իրենց բոլոր ազատություններին և իրավունքներին։ Նրանք պայքարել են դրա համար, և հիմա այդ ամենը դեն են նետում, ես այդպես եմ նայում», — ասում է 73-ամյա Մայքը: «Սա ուղղակի խենթություն է։ Եթե ցանկանում եք հարգված լինել, մի հայտնվեք սթրինգով»,- հավելել է Փիթը։
Բացի նրա կատաղի արտաքինից, պրոդյուսերները նաև թիրախավորել են նրա երգի բառերը այն բանից հետո, երբ Սաբրինան իր Juno և Bed Chem երգերում անդրադարձել է սեռական դիրքերին:
«Ես երբեք չէի փորձի երգեր գրել, որոնք կոնկրետ ինչ-որ բան կասեն սեռական մակարդակում: Պետք է այլաբանական լինել կամ ինչ-որ կերպ ակնարկել դրա մասին: Այնպես որ, դա ինձ դուր չի գալիս: Կարծում եմ, որ դա վատ շոու է և ծույլ», — նշել է Մայքը:
