«Լիվերպուլի» գլխավոր մարզիչ․ Չեմ կարծում, որ միայն հաջողությունն է «Նոթինգեմ Ֆորեսթի» երկրորդ տեղի պատճառը

Անգլիայի Պրեմիեր լիգայի առաջատար «Լիվերպուլի» հոլանդացի գլխավոր մարզիչ Առնե Սլոտը խոսել է «Նոթինգեմ Ֆորեսթի» սենսացիոն մրցելույթների մասին։ 21-րդ տուրում «Լիվերպուլը» «Նոթինգեմ Ֆորեսթի» խաղադաշտում հանդիպումն ավարտել էր ոչ ոքի՝ 1:1:

«Չեմ կարծում, որ միայն հաջողությունն է «Նոթինգեմ Ֆորեսթի» երկրորդ տեղի պատճառը։ Նրանք հաջողությամբ խաղացել են առաջատար թիմերի հետ։ Նրանք արդեն ցույց են տվել, որ պայքարում են ամենաբարձր տեղերի համար։ Եթե վնասվածքներ չլինեն, շատ միավորներ չեն կորցնի»,- Սլոտի խոսքը մեջբերում է «Լիվերպուլի» կայքը։

«Լիվերպուլը» 20 խաղից հետո 47 միավորով գլխավորում է մրցաշարային աղյուսակը, «Նոթինգեմ Ֆորեսթը» 21 խաղում վաստակել է 41 միավոր եւ երկրորդն է։