Իսպանիայի չեմպիոն եւ Չեմպիոնների լիգայի գավաթակիր Մադրիդի «Ռեալի» անգլիացի կիսապաշտպան Ջուդ Բելինգեմը Լա Լիգայի 6 խաղում անընդմեջ գոլ խփելու շնորհիվ կրկնել է Լա Լիգայում 72 տարվա վաղեմության ռեկորդ, հաղորդում է Mister Chip-ը սոցիալական ցանցերում։
«Ռեալի» նախկին կիսապաշտպան Ռոկե Օլսենից հետո Բելինգեմը միակ խաղացողն է, որը, չլինելով հարձակվող, կարողանում է այդպիսի ցուցանիշ գրանցել։
Լա Լիգայի նախորդ 6 տուրերում Բելինգեմը գոլ է խփել «Օսասունային», «Լեգանեսին», «Խետաֆեին», «Աթլետիկին», «Ժիրոնային» եւ «Ռայո Վալիեկանոյին»։
Ընթացիկ մրցաշրջանում Բելինգեմը «Ռեալի» հետ բոլոր մրցաշարերում մասնակցել է 19 հանդիպման, խփել է 7 գոլ, կատարել 4 գոլային փոխանցում։
