Պատրիկ Ջ. Ադամսը պայքարել է ալկոհոլային կախվածության և դեպրեսիայի դեմ մինչ կուլտային Suits հեռուստասերիալը լքելը
Պատրիկ Ջ. Ադամսը պայքարել է ալկոհոլային կախվածության և դեպրեսիայի դեմ մինչ կուլտային Suits հեռուստասերիալը լքելը:
«Dinner’s On Me» փոդքաստում 43-ամյա դերասանը քննարկել է USA Network սերիալից յոթ եթերաշրջանից հետո հեռանալու իր որոշումը։ Նա հեռացել է մի քանի պատճառներով, բայց «մեծ մասը» այն էր, որ նա այդ ժամանակ պայքարում էր ալկոհոլային կախվածության և հոգեբանական խնդիրների դեմ։
«Ես չէի հոգում իմ հոգեկան առողջության մասին և յոթերորդ սեզոնի վերջում չափից շատ էի խմում», — ասել է նա: «Ես բավականին թշվառ, ընկճված վիճակում էի և չունեի այլ գործիքներ այս դեպրեսիայի դեմ պայքարելու համար, քան պարզապես գումար ծախսելը և չափից շատ խմելը, և ես չգիտեի, թե ինչպես խոսել դրա մասին»:
Ալկոհոլից հրաժարվելը «լավագույն բանն էր, որ երբևէ արել եմ ինձ համար», — հայտարարել է դերասանը:
Ադամսը մարմնավորել է Մայքլ Ռոսին իրավական դրամայում, որը հեռարձակվել է ինը սեզոն և ավարտվել 2019 թվականին։ 7-րդ եթերաշրջանի ավարտին նրա կերպարն ամուսնացել է Մեգան Մարքլի կերպարի՝ Ռեյչել Զեյնի հետ, և նրանք երկուսն էլ լքել են շոուն։ Ադամսը կարճ ժամանակով վերադարձել է վերջին սեզոնում:
