Սելենա Գոմեսը՝ Բենի Բլանկոյի հետ հարաբերությունների մասին. «Ես ապագա եմ տեսնում այս մարդու հետ»
Սելենա Գոմեսը The Hollywood Reporter-ին տված նոր հարցազրույցում կիսվել է իր անձնական կյանքի մասին հազվագյուտ պատկերացումներով՝ միաժամանակ պատմելով ամեն ինչի մասին՝ սկսած Բենի Բլանկոյի հետ հարաբերություններից մինչեւ հոգեկան առողջություն, գրում է Daily Mail-ը:
Չնայած նրան, որ 10 տարեկանում՝ Barney & Friends-ում նկարահանվելուց հետո նա մեծացել է ուշադրության կենտրոնում, 32-ամյա դերասանուհին պնդում է, որ իրեն դեռ հաջողվում է զգալ, որ «անձնական կյանք ունի»:
«Ես իմ տեղերն ունեմ գնալու, որտեղ ինձ ոչ ոք չի անհանգստացնում, օրինակ, [իմ խորթ քրոջս] Գրեյսիի ֆուտբոլային խաղերը։ Ոչ ոք ինձ իսկապես չի անհանգստացնում, քանի դեռ ես չեմ կատարում անելիքներս»,-բացատրում է նա:
Նա նաեւ հեգնելէ, որ հմտացել է ժամադրության երեկոներին ծպտված դուրս գալու մեջ՝ ծածկելով իր դեմքը շարֆի հետեւում՝ լուսանկարվելուց խուսափելու համար:
Այնուամենայնիվ, ի տարբերություն անցյալի, Գոմեսը խոստովանել է, որ իրեն ավելի հարմարավետ է զգում 36-ամյա Բլանկոյի հետ լուսանկարներ եւ տեսանյութեր հրապարակելիս, ում հետ սկսել է հանդիպել անցյալ տարի:
«Սա ամենաապահովն է, որը ես երբեւէ զգացել եմ [հարաբերություններում], եւ ես ապագա եմ տեսնում այս մարդու հետ», — ասել է նա:
Այնուամենայնիվ, նա երկրպագուներին հիշեցրել է, որ իր հարաբերություններում «այնքան շատ բա կա», որ «մարդիկ չեն տեսնում», որոնք միայն իր եւ Բլանկոյի համար են:
