Ռոնալդու․ Ինձ նյարդայնացնում են ազգային հավաքականում խաղալու ցանկություն չունեցող ֆուտբոլիստները
Պորտուգալիայի հավաքականի եւ Սաուդյան Արաբիայի «Ալ Նասրի» 39-ամյա հարձակվող Կրիշտիանու Ռոնալդուն խոսել է ազգային թիմում խաղալու ցանկություն չունեցող ֆուտբոլիստների մասին։
«Ինձ նյարդայնացնում են Պորտուգալիայի ազգային հավաքականում խաղալու ցանկություն չունեցող ֆուտբոլիստները։ Վայելեք խաղը հավաքականում, ժամանակը չի սպասում։ Սեփական երկիրը եւ մշակույթը ներկայացնելուց լավ բան չկա»,- Ռոնալդուի խոսքը մեջբերում է Պորտուգալիայի ֆուտբոլի ֆեդերացիայի կայքը։
Ռոնալդուն Պորտուգալիայի հավաքականի հետ դարձել է Եվրոպայի չեմպիոն եւ Ազգերի լիգայի գավաթակիր։ Նա 130 գոլով ռեկորդակիր է ազգային թիմերի պատմության մեջ։
