Այս ամիս Telegram-ը կթողարկի տասը նոր գործառույթ՝ նախատեսված մինի հավելվածների համար: Դրանց օգնությամբ ծրագրավորողները կկարողանան ստեղծել նոր տեսակի հավելվածներ և խաղեր։ Առաջիկայում թողարկվելիք նոր հնարավորությունների մասին հայտարարել է մեսենջերի հիմնադիր Պավել Դուրովը։
Նա տեղեկացրել է, որ առաջիկա 2-ից 4 շաբաթվա ընթացքում Telegram-ում կհայտնվեն հետևյալ գործառույթները.
- Լիաէկրան ռեժիմ մինի հավելվածների համար,
- Մինի հավելվածի պատկերակներն աշխատասեղանին ավելացնելու հնարավորություն,
- Մինի հավելվածներում վճարովի բաժանորդագրություններ ավելացնելու հնարավորություն,
- Օգտատիրոջ թույլտվությամբ գտնվելու վայրի մասին ինֆորմացիային հասանելիության գործառույթ,
- Սարքի ուղղվածության (ուղղահայաց, հորիզոնական) մասին տվյալների հավաքման գործառույթ,
- Հասանելիություն Emoji-ի կարգավիճակին,
- Մեդիա ֆայլերի փոխանակման գործառույթ,
- Նվերներ ուղարկելու գործառույթ,
- Հաղորդագրությունների փոխանակման ընդլայնված սահմանափակումներ,
- Գովազդի դրամայնացում:
Անցած ամսվա վերջին Դուրովը հայտարարել էր, որ Telegram-ում նոր գործառույթների կհայտնվեն։ Ի թիվս այլ բաների, մեսենջերի օգտատերերն այժմ կարող են պատկերներ և տեսանյութեր ավելացնել արդեն ուղարկված հաղորդագրություններին, ինչպես նաև փոխել մեդիա ֆայլերը հաղորդագրությունը խմբագրելու ընթացքում:
