Մեսյացև կղզին, որի տարածքը կազմում էր 53 հեկտար, ամբողջովին անհետացել է Հյուսիսային Սառուցյալ օվկիանոսում գտնվող Ֆրանց-Յոզեֆ արշիպելագից։ Այս մասին հայտնում է Ռուսական աշխարհագրական ընկերության կայքը։
Մոսկվայի ավիացիոն ինստիտուտի դոցենտ Ալեքսեյ Կուչեյկոյի վկայությամբ, որի ղեկավարությամբ է կատարվել համապատասխան դիտարկումը, անհետացած տարածքը գտնվել է Եվա-Լիվ կղզու տարածքում։ Նա հայտարարել է, որ Մեսյացևի կղզին «ամբողջովին հալվել է»։ Դրա պատճառով անհրաժեշտ կլինի ճշգրտումներ կատարել նավիգացիոն քարտեզներում, ասել է Կուչեյկոն։
Նշվում է, որ 2015 թվականի օգոստոսին Մեսյացևի կղզու տարածքը եղել է մոտ 53 հեկտար։ Այս տարվա օգոստոսին դրա չափն արդեն երեք հեկտար էր։ Մեկ ամիս անց կղզին վերջնականապես անհետացավ։
Գիտնականները դա կապում են գլոբալ տաքացման հետ, որը հանգեցնում է սառցադաշտերի հալմանը և ծովի մակարդակի բարձրացմանը: Սա ափամերձ գծի էրոզիա է առաջացնում, ինչի հետևանքով ռելիեֆի որոշ ձևեր անհետանում են:
