Ռոբերտ Դաունի-կրտսերը Հոլիվուդին թույլ չի տա ստեղծել իր թվային պատճենը՝ օգտագործելով արհեստական բանականությունը

Ռոբերտ Դաունի-կրտսերը Հոլիվուդին թույլ չի տա արհեստական ինտելեկտի միջոցով ստեղծել իր թվային պատճենը։ «On With Kara Swisher» փոդքաստում դերասանը զգուշացրել է Հոլիվուդին. «Ես մտադիր եմ դատի տալ ապագա ղեկավարներին», որոնք կհամաձայնեն ստեղծել Դաունիի թվային պատճենը։

Օսկարակիրը չի ցանկանում, որ իր պատկերը էկրանին օգտագործվի AI տեխնոլոգիայի և/կամ խորը ֆեյքերի միջոցով: Թեման ծագել է Դաունիի՝ Երկաթե մարդու դերի հետ կապված, սակայն նա վստահ է, որ Marvel-ը չի վերստեղծի իր Թոնի Սթարքը՝ օգտագործելով արհեստական բանականություն։

«Վերադառնալով Marvel Cinematic Universe, ես չեմ անհանգստանում, որ նրանք գողանան իմ պերսոնաժի հոգին, քանի որ կան երեք կամ չորս մարդիկ, որոնք, այնուամենայնիվ, կայացնում են բոլոր որոշումները, և նրանք երբեք դա չեն անի ինձ հետ, ինձ հետ կամ առանց ինձ», — հավելել է նա:

Երբ հաղորդավար Կարա Սվիշերն ասել է, որ «ապագա ղեկավարները, անշուշտ, կցանկանան» մեծ էկրանին վերստեղծել Դաունին թվային ձևով, դերասանը պատասխանել է. «Դե, դու ճիշտ ես: Այստեղ ես ուզում եմ հայտարարել, որ մտադիր եմ դատի տալ բոլոր ապագա ղեկավարներին»։

«Դու մեռած կլինես», — նշել է Սվիշերը, ինչին ի պատասխան Դաունին պատասխանել է. «Բայց իմ փաստաբանական գրասենյակը դեռ շատ ակտիվ է լինելու»: