Ժերար Դեպարդյեի նկատմամբ սեռական ոտնձգությունների մեղադրանքով դատավարությունը հետաձգվել է դերասանի չներկայանալու պատճառով
Ժերար Դեպարդյեի դատավարությունը հետաձգվել է հաջորդ տարի այն բանից հետո, երբ դերասանը չի ներկայացել դատարան՝ ասելով, որ առողջ չէ, գրում է Guardian-ը։
Նրա փաստաբան Ժերեմի Ասուսը հայտնել է, որ 75-ամյա դերասանը «ծայրահեղ վատառողջ է և խնդրել է հետաձգել դատավարությունը, մինչև նա կարողանա անձամբ մասնակցել:
Դերասանը չորս անգամ ենթարկվել է սրտի շունտավորման և տառապում է շաքարային դիաբետով և նրա առողջությունը վատթարացել է դատավարությամբ պայմանավորված սթրեսի պատճառով: նաեւ ասվել է, որ Դեպարդյեն չի կարող վեց ժամ շարունակ նստել։
Ներկայացվել են սրտաբանի և էնդոկրինոլոգի բժշկական տեղեկանքները, որոնք նշել են, որ դերասանը չի կարող ներկայանալ։ Երկու կին հայցվորների փաստաբանները ափսոսանք են հայտնել, որ իրենց կանգնեցրել են «կատարված փաստի» առաջ և խնդրել են, որ դերասանը հետազոտվի դատարանի կողմից նշանակված բժշկի և հոգեբույժի մոտ: Նրանց խնդրանքը մերժվել է։
Դեպարդյեին դատում են 2021 թվականի «Կանաչ կափարիչներ» ֆիլմի նկարահանումների ժամանակ երկու կնոջ նկատմամբ սեռական ոտնձգությունների համար։
Դեպարդյեն, ով նկարահանվել է ավելի քան 200 ֆիլմերում, հերքել է այն պնդումները, որ ագրեսիվ կերպով մոտեցել է կանանց (դեկորատոր և ռեժիսորի օգնական), և նրանց հասցեին բացահայտ սեռական արտահայտություններ արել: Անցյալ տարի հրապարակված բաց նամակում նա ասել է. «Երբեք, երբեք բռնության չեմ ենթարկել որեւէ կնոջ»։
Երկուշաբթի օրը տեղի ունեցած դատավարության կենտրոնում գտնվող երկու կանանց անունները չեն հրապարակվում: Բեմադրության դիզայները փետրվարին հայտնել էր, որ ֆիլմը նկարահանելիս ենթարկվել է սեռական բռնության, սեռական ոտնձգությունների, և սեքսիստական հայհոյանքների: Նա պնդել է, որ դերասանը պարծենում էր, որ կարող է «կանանց օրգազմի հասցնել՝ առանց նրանց դիպչելու»: Հայցվորը պնդել է, որ Դեպարդյեն «կոպտորեն բռնել է» իրեն, երբ նա դուրս էր գալիս նկարահանման հրապարակից, սեղմել է նրան և «փակել ոտքերը» նրա շուրջը, ապա ձեռքերով դիպել իր գոտկատեղին ու ստամոքսին, այնուհետև շարժվել դեպի կրծքերը: Նրա խոսքով՝ դերասանն այդ ընթացքում անպարկեշտ արտահայտություններ է արել:
Գործով երկրորդ հայցվորը՝ նույն ֆիլմի ռեժիսորի օգնականը, նույնպես մեղադրում է Դեպարդյեին սեռական ոտնձգության մեջ:
Պաշտպանական կողմը խնդրել է լսել ևս ութ վկաների, ինչը կհանգեցնի նրան, որ դատավարությունը կտևի ավելի երկար, քան նախապես նախատեսված էր: Այժմ դատական նիստը նշանակված է հաջորդ տարվա մարտի 24-25-ը։
«Կանաչ ալիքներ» ֆիլմում նկարահանված դերասանուհի Անուկ Գրինբերգը AFP-ին ասել է, որ Դեպարդյեն նկարահանման հրապարակում օգտագործել է «անպարկեշտ բառեր… առավոտից երեկո»:
Մոտ 20 կին Դեպարդյեին մեղադրել են տարբեր սեռական հանցագործությունների մեջ, ինչը նա հերքում է։ Դերասանուհի Շառլոտա Առնուն առաջինն էր, ով քրեական գործ է հարուցել։ Դատավորը դեռևս որոշում չի կայացրել օգոստոսին Դեպարդյեի նկատմամբ բռնաբարության և սեռական ոտնձգությունների մեղադրանքով դատարանի առաջ կանգնելու մասին դատախազների խնդրանքի հիման վրա:
Անցյալ դեկտեմբերին Ֆրանսիայի նախագահ Էմանուել Մակրոնը պաշտպանել է դերասանին՝ հայտնելով, որ Դեպարդյեի դեմ «վհուկների որսի» է սկսվել: Մակրոնը Դեպարդյեին անվանել է «ականավոր դերասան», որը ստիպում է «Ֆրանսիային հպարտանալ»:
