Լեգենդար Շերն ընդգրկվել է ռոքնռոլի փառքի սրահում։ 78-ամյա փոփ թագուհուն վերջապես այդ պատիվը տրվել է Քլիվլենդում կայացած արարողության ժամանակ։ Իր ելույթում նա կատակել է, որ իր համար ավելի «հեշտ էր» բաժանվել նախկին ամուսիններից՝ Սոնի Բոնոյից և Գրեգ Ալմանից։
Շերը բեմ է բարձրացել այն բանից հետո, երբ նրան ներկայացրել է Զենդայան։ «Նա հատել է բազմաթիվ երաժշտական ժանրեր, սահմանել է նորերը և նորից հորինել ուրիշները», — ասել է 28-ամյա Զենդայան: «Նրա երաժշտությունը դիպչում է ձեր սրտին, ձեր հոգուն, ստիպում է ձեզ պարել, ստիպում է ձեզ «ռոքնռոլել» և դիմակայել ժամանակի փորձությանը»: Դուա Լիպայի հետ ելույթից հետո Շերը կատակել է իր անձնական կյանքի մասին. «Երկու տղամարդկանցից ամուսնալուծվելն ավելի հեշտ էր, քան Ռոքնռոլի փառքի սրահում ներգրավվելը», — հայտարարել է նա ամբոխին:
Այնուհետև փոփ-երաժշտության աստվածուհին շնորհակալություն է հայտնել իր հանգուցյալ մորը՝ Ջորջիա Հոլթին, որ իր մեջ սերմանել է անհաջողությունից հետո միշտ վեր կենալու ունակությունը:
«Նա ասել է. «Գիտե՞ս, եթե ընկնում ես, դու նորից բարձրանում ես»: Մի բան, որ ես կարծում եմ, որ սովորել եմ մայրիկիցս այն է, որ ես երբեք չեմ հանձնվել… Անկեղծ ասած, ես հավատում եմ մորս ասածներին. բայց բախտս բերեց. Իսկապես, եղել են վատ բաներ։ Ինձ լքել են 4 լեյբլներ: Երբ ամեն ինչ ավարտվեց, ես թողարկեցի «Believe»-ը… Իմ բախտն ուղղակի բերեց և յոթ տասնամյակ ես առաջինն էի, ինչն ինձ զարմացնում է, քանի որ լավ երգիչ եմ, ես մեծ երգիչ չեմ»:
Շերն արարողությանը ներկա է եղել իր ընկերոջ՝ երաժշտական պրոդյուսեր Ալեքսանդր «AE» Էդվարդսի, և նրա որդու հետ, որը նախկին ընկերուհուց՝ Էմբեր Ռոուզից է։
