WhatsApp-ի հայտնի մեսենջերն այժմ ունի վիջեթներ iPhone-ի օգտատերերի համար: Այս նորամուծությունը հասանելի կլինի բոլոր Apple սարքերում, որոնք ունեն iOS 14 և ավելի թարմ օպերացիոն համակարգ: Այս մասին հայտնում է WABetaInfo (WBI) կայքը։
WhatsApp-ն առաջարկում է երկու տեսակի վիդջեթներ՝ «Չատեր» և «Զանգեր»: Դրանցից յուրաքանչյուրն ունի երկու չափ՝ քառակուսի (2×2) և ուղղանկյուն (2×4): Փոքր վիջեթում հնարավոր է ամրացնել մինչև երկու կոնտակտ, իսկ ավելի մեծ վիջեթում՝ մինչև չորս կոնտակտ: Վիդջեթները կարող են տեղադրվել աշխատասեղանի վրա այլ հավելվածների կողքին կամ վիջեթի հոսքում, որը հասանելի է հիմնական էկրանի ձախ կողմում:
Այս բարելավումը թույլ կտա օգտվողներին արագ մուտք գործել իրենց անհրաժեշտ կոնտակտներ: Չատերի վիդջեթում օգտատերերը կկարողանան ավելացնել ամենավերջին չատերը, ինչպես նաև նախընտրելիները (Favorites), պոպուլյարները (Popular) և ամրացվածները (Pinned): Վիջեթները կթարմացվեն իրական ժամանակում՝ ավատարների վրա ցուցադրելով 1-եր, եթե զրուցակցից նոր հաղորդագրություն է ստացվել։ Այսպիսով, առանց մեսենջեր մուտք գործելու, օգտատերերը կկարողանան տեսնել, թե ով է գրել իրենց և քանի հաղորդագրություն է ուղարկվել։
«Զանգեր» վիջեթը թույլ կտա օգտատերերին ամրացնել ընկերների, ընտանիքի և բոլոր նրանց կոնտակտները, ում նրանք ամենից հաճախ են զանգում WhatsApp-ում: Կոնտակտի ավատարին սեղմելու դեպքում ձայնային զանգը ավտոմատ կերպով կսկսվի: Ցանկության դեպքում օգտատերերը կկարողանան միացնել տեսախցիկը։
WhatsApp-ն ակնթարթային հաղորդագրությունների և ձայնային հաղորդակցության ամերիկյան անվճար ծառայություն է, որը պատկանում է Meta Corporation-ին: Ծառայության ամսական լսարանը ամբողջ աշխարհում գերազանցում է 2 միլիարդ օգտատերերը:
