Ֆարել Ուիլյամսը պատմել է իր՝ 2013 թվականի «Happy» հիթի ստեղծման մասին:
«Երբ ես մոտ 40 տարեկան էի, հայտնվեցին «Get Lucky», «Blurred Lines», «Happy» հիթերը՝ բոլորը նույն տարում: Եվ այս բոլոր երգերը ավելի շատ պատվերներ էին, քան պարզապես երգեր: Ես պարզապես մի օր արթնացա և որոշեցի, որ կգրեմ X, Y և Z-ի մասին»,- նշել է նա Apple Music 1-ի համար Զեյն Լոուի հետ հարցազրույցում։
Ուիլյամսը հիշել է, որ ավարտել է «Անտանելի Ես 2» մանկական ֆիլմի սաունդթրեքը, որը նա ստեղծել է Հեյտոր Պերեյրայի հետ միասին, և նրա մոտ վերջացել են գաղափարները: Հետո նա ինքն իրեն հարցրել է. «Ինչպե՞ս երգ գրել», և ի հայտ է եկել ոգեշնչումը:
«Ինչպե՞ս երգ գրել մի մարդու մասին, ով այնքան երջանիկ է, որ ոչինչ չի կարող կոտրել նրան: Ես դրան հեգնանքով արձագանքեցի ու երաժշտություն գրեցի, ու այդ հեգնանքը դարձավ երգ»։
«Happy»-ն դարձել է պատմության մեջ ամենաշատ վաճառվող երգերից մեկը՝ ավելի քան 13,9 միլիոն օրինակով։ Forbes-ի և CNN-ի տվյալներով՝ թրեքը նաև ճանաչվել է 2010-ականներին բրիտանական ռադիոյի ամենաշատ հնչեցված երգը և նույնիսկ ռեկորդ է սահմանել ամենաերկար երաժշտական տեսահոլովակի համար՝ 24 ժամ տևողությամբ, մինչև Twenty One Pilots-ը գերազանցել է ռեկորդը 2020 թվականին՝ ցերեկային ժամերին հրապարակելով 177-օրյա տեսանյութ:
