Հոլլի Բերիի նախկին ամուսինը դերասանուհուց պահանջել է ավելի քան 360 հազար դոլար՝ փաստաբանական ծախսերը հոգալու համար
Հոլլի Բերրիի նախկին ամուսինը՝ Օլիվյե Մարտինեսը դերասանուհուց վեցանիշ գումար է պահանջել իրենց որդու խնամակալության համար պայքարը շարունակելու համար, հայտնում է In Touch-ը։
Օլիվյեն դատարանին խնդրել է վճարել իր փաստաբանի վճարները այն բանից հետո, երբ Հոլլին փորձում էր զրկել իրեն իրենց 10-ամյա որդուն՝ Մակեոյին օրինական խնամակալությունից:
Նա նշել է, որ դերասանուհին պետք է իրեն վճարի 363,270,59 դոլար՝ որպես փաստաբանական վճար, 25,000 դոլար՝ դատաբժշկական հաշվապահի, 7,500 դոլար խնամակալության փորձաքննության և 10,000 դոլար տառադարձման ծախսեր:
Օլիվիեն ասել է, որ գումարը կօգտագործվի խնամակալության դեմ պայքարում աշխատող իրավաբանական ընկերությանը վճարելու համար: Նա բողոքել է, որ վարձերը վճարելու համար 45000 դոլար վարկ է վերցրել և վաճառել է իր Rolex ժամացույցը։
Իր միջնորդության մեջ Օլիվյեն Հոլիին մեղադրել է, որ հենց նա է կողմերին մղում դեպի դատարան։ Նա ընդգծել է, որ Հոլլին «հրաշալի գիտի», որ ինքը չունի «միջոցներ՝ շարունակելու դատավարությունը»:
Օլիվիեն և Հոլին ամուսնացել են 2013 թվականին և բաժանվել 2016 թվականին։ Նրանց ամուսնալուծությունը ձգձգվեց տարիներ շարունակ, մինչև նրանք վերջապես համաձայնության եկան 2023 թվականի վերջին: Պայմանագրի համաձայն՝ Հոլլին համաձայնել է ամսական 8000 դոլար վճարել երեխաների աջակցության համար, և երկու կողմերը համաձայնել են մասնակցել թերապիայի դասընթացներին:
