Երգչուհի Լյուբով Ուսպենսկայայի անհետ կորած դուստրը՝ Տատյանա Պլաքսինան, հայտնաբերվել է Իսրայելում, ուր նա ժամանել էր Իրանի զանգվածային հարձակումից մի քանի ժամ առաջ, հայտնում է Mash Telegram ալիքը։
Հրատարակության խոսքով՝ Պլաքսինան դեռ մի քանի օր չի կարողանա վերադառնալ Ռուսաստան, քանի որ Մերձավոր Արևելքում իրավիճակի վատթարացման պատճառով թռիչքների թիվը նվազել է, իսկ ավիատոմսերի պահանջարկը՝ աճել։ Մինչ այս Ուսպենսկայայի տնօրեն Կոնստանտին Մանժուլան Gazeta.Ru-ին հաստատել էր, որ երգչուհու դստերը գտել են Իսրայելում։ Պլաքսինայի անհետացման մասին հայտնի է դարձել հոկտեմբերի 2-ի երեկոյան, այս մասին հայտնել է հասարակական գործիչ Վիտալի Բորոդինը, որը հայտնի է աստղերից բողոքելով։
Նրա խոսքով՝ Ուսպենսկայան դիմել է իրեն օգնության համար։ Արտիստուհին հաստատել է, որ դուստրն անհետացել է։ Ուսպենսկայայի խոսքով՝ դուստրը հեռախոսները թողել է տանը։ Երգչուհու ներկայացուցիչն ասել է, որ Պլաքսինայի անհետացումը կապում է ԴԺՀ և ԼԺՀ կատարած ուղևորությունների հետ։
