Չարագործները կարող են վիրուսային ծրագրակազմը (ծրագրային ապահովումը) թաքցնել տարբեր թեմաներով նամակներում՝ ուշադրությունը շեղելու համար, ռուսական «ՏԱՍՍ» լրատվական գործակալությանն ասել են Solar ընկերությունների խմբից։
Ընկերությունը նշել է հանցագործների կողմից օգտագործվող քողարկման տասը ամենատարածված տեսակները: Խոսքը էլփոստով ուղարկվող նամակի հետևյալ թեմաների մասին է՝ «Նախարարության հրաման. անհապաղ ընթերցել», «Խոցելիությունների ցանկ՝ Ռուսաստանի տեխնիկական և արտահանման վերահսկողության դաշնային ծառայությունից», «Փոստարկղը լիքն է», «Առաքման փաստաթղթեր», «Վճարման հանձնարարական», «Համակարգի սխալ․ նամակը չի առաքվել», «Մինչդատական հայց», «Հաշվի նոր ռեկվիզիտներ», «Փոխադարձ հաշվարկների հաշտեցման ակտ», «Առևտրային առաջարկի պատճենը»։
Ինչպես նշում է ընկերությունների խումբը, սպամ, ֆիշինգային կայքեր տանող հղումներ կամ վնասակար ծրագրեր պարունակում են բոլոր նամակների 34%-ը, որոնք ռուսական ընկերությունները ստանում են էլեկտրոնային փոստով: Հարձակվողներն ամենից հաճախ վնասակար ֆայլերը քողարկում են որպես գրասենյակային փաստաթղթեր docx, xls և pdf ձևաչափերով:
Solar-ը նաև նշել է, որ էլեկտրոնային փոստի ամենահայտնի ծրագրերը տրոյական վիրուսներն են, որոնք հանցագործներին հասանելի են դարձնում օգտատերերի համակարգերը, rootkit-երը, որոնք անհրաժեշտ են վերահսկողությունը ձեռք բերելու համար և այլ վիրուսներ: Միաժամանակ, տրոյական վիրուսները (76%) վարկանիշային աղյուսակում մեծ տարբերությամբ զբաղեցնում են առաջին տեղը։
