ZTE-ի քույր Nubia ապրանքանիշի Red Magic Gaming Pad-ը, հավանաբար, կլինի ամենահզոր Android պլանշետը:
GSMArena պորտալի տվյալներով՝ Red Magic Gaming Pad-ը համալրված է Snapdragon 8 Gen 3 չիպսեթի օվերկլոկավորված տարբերակով, որը թույլ է տվել AnTuTu հենանիշում տպավորիչ 2,2 միլիոն միավոր հավաքել։ Այս բարձր գնահատականը այն դարձնում է շուկայում ամենահզոր պլանշետը: CPU-ի կատարողականի միավորը կազմել է 466,6 հազար միավոր, գրաֆիկական պրոցեսորը՝ 948,3 հազար, հիշողությունը՝ 403,7 հազար, իսկ UX-ը՝ 386,3 հազար միավոր։
Հայտնի է նաև, որ պլանշետը համալրված կլինի 16 ԳԲ LPDDR5 օպերատիվ հիշողությամբ և 512 ԳԲ UFS 4.0 սկավառակով։ Սարքը կաշխատի Android 14 օպերացիոն համակարգով։
Բացի այդ, Red Magic Gaming Pad-ը կստանա 120 Հց պատկերի թարմացման արագությամբ էկրան: Դատելով միակ թիզերից՝ պլանշետը կառաջարկվի երկու չափսով: Այնուամենայնիվ, դեռ հայտնի չէ, թե արդյոք նոր արտադրանքը կհամալրվի ակտիվ հովացման համակարգով, RGB լուսավորությամբ և խաղային այլ ատրիբուտներով։
Սարքի շնորհանդեսը սպասվում է սեպտեմբերի 5-ին։
