Ամեն տարի գինու սիրահարներն ամբողջ աշխարհում անհամբեր սպասում են մայիսի վերջին, երբ կգա Շարդոնեի միջազգային օրը: Սա ոչ միայն մեկ օր է, այլ մի ամբողջ շաբաթ, քանի որ տոնը նշվում է երկու անգամ՝ ֆիքսված՝ մայիսի 21-ին, իսկ պայմանականորեն՝ մի քանի օր անց։ Շարդոնեի նկատմամբ նման ուշադրությունը զարմանալի չէ, քանի որ այս խաղողի տեսակը և դրանից պատրաստված գինիները վաղուց դարձել են գինու գուրմանների և փորձագետների շրջանում ամենասիրվածներից մեկը:
Շարդոնեն հնագույն ու վեհ պատմություն ունի։ Այն առաջին անգամ հայտնվել է Ֆրանսիայի Բուրգունդիա շրջանում, որտեղ մինչ օրս արտադրվում են աշխարհի լավագույն և ամենաթանկ գինիներից մի քանիսը: Այս սորտն առանձնանում է տարբեր կլիմայական պայմաններին և հողերին հարմարվելու իր յուրահատուկ ունակությամբ, ինչն այն դարձնում է այդքան տարածված և պոպուլյար աշխարհի գինեգործների շրջանում: Չնայած Հայաստանը Շարդոնեի հիմնական արտադրողը չէ, սակայն այս խաղողի տեսակն այստեղ աստիճանաբար տարածում է ստանում։ Հայ գինեգործներն արդեն սկսել են էքսպերեմենտներ անել Շարդոնեի հետ՝ յուրահատուկ բնավորությամբ և համով գինիներ ստեղծելու համար։
Trinity Khachmeruk Khatun Kharji Chardonnay
Trinity Canyon Vineyards-ի այս հայկական գինին ցուցադրում է բաց ոսկեգույն գույն՝ կանաչ երանգներով, որն արդեն թարմության տրամադրություն է ստեղծում: Բույրի մեջ գերակշռում են կրաքարի կեղևի, թարմ կտրատած խոտի և մի փոքր դառնության նոտաները, ինչն այն դարձնում է թարմացնող և բարդ: Համն ունի չափավոր թթվայնություն՝ գինուն հաղորդելով աշխուժություն և արտահայտչություն։ Տպավորիչ կառուցվածքը միավորում է ցիտրուսի, տանձի և թարմ կտրատած խոտի նոտաները։ Հետհամի մեջ մի փոքր դառնությունն ավելացնում է ամբողջականությունը:
Այն հիանալի համադրվում է նրբորեն պատրաստված ձկան ուտեստների հետ, ինչպիսիք են սաղմոնը կամ ձողաձուկը, ինչպես նաև ծովամթերքները, ինչպես ծովախեցգետինները կամ սկալոպները։
Karas Single Vineyards Chardonnay
Trinity Canyon Vineyards-ի այս հայկական գինին ցուցադրում է բաց ոսկեգույն գույն՝ կանաչ երանգներով, որն արդեն թարմության տրամադրություն է ստեղծում: Բույրի մեջ գերակշռում են կրաքարի կեղևի, թարմ կտրատած խոտի և մի փոքր դառնության նոտաները, ինչն այն դարձնում է թարմացնող և բարդ: Համն ունի չափավոր թթվայնություն՝ գինուն հաղորդելով աշխուժություն և արտահայտչություն։ Տպավորիչ կառուցվածքը միավորում է ցիտրուսի, տանձի և թարմ կտրատած խոտի նոտաները։ Հետհամի մեջ մի փոքր դառնությունն ավելացնում է ամբողջականությունը:
Այն հիանալի համադրվում է նրբորեն պատրաստված ձկան ուտեստների հետ, ինչպիսիք են սաղմոնը կամ ձողաձուկը, ինչպես նաև ծովամթերքները, ինչպես ծովախեցգետինները կամ սկալոպները։
Karas Single Vineyards Chardonnay
Բուլղարական Դանուբյան հարթավայրերում արտադրված այս Շարդոնեն բացահայտում է կանաչ խնձորի, կիտրոնի կեղևի, դեղձի և սպիտակ ծաղիկների վառ բուրմունքներ: Գինին թարմ և փխրուն համ ունի, նուրբ յուղալի հյուսվածքով, որը ստեղծում է մրգային նոտաների և աշխույժ թթվայնության ներդաշնակ համադրություն: Վերջնական նոտաները երկար են և հավասարակշռված՝ թողնելով հաճելի հետհամ:
Խորհուրդ ենք տալիս այն հավի մսով «Կեսար» աղցանով կամ ծովախեցգետնով և ավոկադոյով աղցանով, կամ եթե ինչ-որ պարզ բանի տրամադրություն ունեք, դա կարող է լինել դասական ասիական ոճի հավ՝ բրնձով և բանջարեղենով:
Kenwood Chardonnay
Kenwood Vineyards-ը, որը հիմնադրվել է 1970 թվականին Կալիֆոռնիայի Սոնոմա քաղաքում, հայտնի է իր որակով և գինեգործական ավանդույթներով: Այս Շարդոնեն մասամբ հնեցված է ֆրանսիական և հունգարական կաղնու մեջ՝ ավելացնելով բարդություն և խորություն: Այս գինու բույրը ներառում է կիտրոնի, մեղրի, տանձի և այլ քաղցր-թթու մրգերի նոտաներ, ինչը հատկապես գրավիչ է դարձնում այն։ Քիմքի վրա գինին ունի հասած մրգային նոտաներ, յուղալի հյուսվածք և հարուստ, հավասարակշռված ավարտ:
Kenwood Chardonnay-ն հիանալի համադրվում է այծի պանրով կանապեների, սնկով ռիզոտոյի կամ բանջարեղենի տարտլետների հետ:
Լիանա Աղաջանյան
