Քիմ Քարդաշյանը ցուցադրել է Balenciaga-ից՝ մոտ 400.000 դոլար արժողությամբ պայուսակների իր հավաքածուն
Քիմ Քարդաշյանը ցուցադրել է Balenciaga պայուսակների իր հավաքածուն։ Տեսանյութում Քիմը կեցվածք է ընդունում առանց ժապավենի սեւ կորսետով, կիպ լեգինսներով եւ երկարաճիտ կոշիկներով:
Նա ասում է, որ ունի մոտ 130 Balenciaga պայուսակ։ Յուրաքանչյուր պայուսակ արժե մոտ 3000 դոլար, եւ եթե նա ունի դրանցից 129-ը, դա նշանակում է, որ նա իր պահարանում պահում է մոտ 400,000 դոլարի ապրանք:
Նշենք, որ Քիմն ավելի վաղ հայտարարել էր, որ բրենդի՝ սկանդալի կիզակետում հայտնվելուց մեկ տարի անց կրկին դարձել է Balenciaga-ի դեսպանը: Այն ժամանակ Քարդաշյանը հրաժարվել էր խզել կապերը նորաձեւության տան հետ, սակայն ասել էր, որ «ցնցված եւ վրդովված է» լուսանկարներից, որոնք բուռն արձագանք էին առաջացրել ապրանքանիշի դեմ:
Նրա նոր գործընկերության մասին հայտարարությունից հետո շատ երկրպագուներ հիասթափված էին որոշումից: «Բոլոր ապրանքանիշերից նա պետք է ընտրեր այն մեկը, ում մեղադրում էին երեխաների նկատմամբ բռնության մեջ…»,- գրել է օգտատերերից մեկը, իսկ մյուսը նրան անվանել է «կեղծավոր»՝ հավելելով. «Նրա համար կարեւորը փողն է»:
