Հայուհի Թալին Մարին կմասնակցի «Դուբայի իսկական տնային տնտեսուհիները» ռեալիթի շոուի երկրորդ եթերաշրջանին
Ամերիկահայ Թալին Մարին կմասնակցի «Դուբայի իսկական տնային տնտեսուհիները» ռեալիթի շոուի երկրորդ եթերաշրջանին։
«Ոգեւորված եմ, վերջապես, հայտարարելու, որ ես «Դուբայի իրական տնային տնտեսուհիները» ռեալիթի շոուի երկրորդ եթերաշրջանի նոր մասնակիցն եմ: Շնորհակալություն @bravotv-ին եւ @bravoandy-ին՝ այս անհավանական ճանապարհորդության ընթացքում շարունակական աջակցության եւ սիրո համար: Ես ինձ այնքան երջանիկ եւ հուզված եմ զգում, որ դարձել եմ @nbcuniversal-ի Bravo-ի նախագծի մի մասնիկը»,-Instagram-ում գրել է Թալինը։
Թալինը միակ նոր տնային տնտեսուհին է, որը միանում է ռեալիթի շոուի երկրորդ սեզոնին: Երկու երեխաների մայրը ընտանիքին նվիրված կին է, բայց լուրջ է վերաբերվում իր բիզնեսին: Թալինն ունի իր սեփական ֆիթնես բրենդը: Թեեւ Թալինը ծագումով Դուբայից չէ, արդեն, գրեթե, 8 տարի է՝ ապրում է այնտեղ։
Թալին Մարին մեծացել է ԱՄՆ-ում։ Նա սովորել է Սանտա Մոնիկա քոլեջում՝ հաղորդակցություններ եւ ԶԼՄ բաժնում, այնուհետեւ իր կարիերան է սկսել երաժշտական ասպարեզում:
Նա պրոֆեսիոնալ երգչուհի է, ով բացել է Քրիստինա Ագիլերայի համերգը Դուբայում:
Թալինը տպավորիչ ելույթներով է հանդես եկել նաեւ Սպիտակ տանը եւ Հռոմի պապ Հովհաննես Պողոս II-ի առաջ:
Նրա երաժշտությունը հայտնվել է America’s Next Top Model եւ American Idol նախագծերում, եւ նա ԴեԱնդրե Բրաքենսիկի հետ գրել է «Her Crazy» սինգլը, որը չարթերում բարձր հորիզոնականներ է զբաղեցրել։
2014 թվականին նա ամուսնացել է Al Ryum ընկերության գլխավոր տնօրեն Ռաֆայել Հանոյանի հետ։
