Մադրիդի «Ռեալի» բրազիլացի հարձակվող Վինիսիուս Ժունիորը 4-6 շաբաթ չի կարողանա օգնել իտալացի Կառլո Անչելոտիի գլխավորած թիմին, հաղորդում է El Chiringuito TV-ն։
23-ամյա ֆուտբոլիստը ազդրի մկանային վնասվածք էր ստացել «Սելտայի» դեմ Իսպանիայի առաջնության երրորդ տուրի խաղում։ «Ռեալը» հաղթել էր անգլիացի կիսապաշտպան Ջուդ Բելինգեմի գոլի շնորհիվ։ «Սելտայի» դեմ խաղում Վինիսիուսը վնասվածքի պատճառով փոխարինվել էր 18-րդ րոպեին։
Անցած մրցաշրջանում Վինիսիուսը «Ռեալի» հետ մասնակցել էր 55 հանդիպման, խփել 23 գոլ, կատարել 21 գոլային փոխանցում։
