Ֆրանսիայի չեմպիոն ՊՍԺ-ն երկրորդ առաջարկն է արել գերմանական «Այնտրախտ Ֆրանկֆուրտին» 24-ամյա ֆրանսիացի հարձակվող Ռանդալ Կոլո Մուանիի տրանսֆերի համար։ Փարիզյան ակումբը պատրաստ է վճարել 70 միլիոն եվրո, հաղորդում է RMC Sport-ը։
Փարիզյան ակումբի առաջին առաջարկը 65 միլիոն եվրո էր, սակայն ՊՍԺ-ն մերժում էր ստացել։
«Այնտրախտն» ակնկալում է 80-90 միլիոն եվրո։ Անցած ամռանը Կոլո Մուանին ֆրանսիական «Նանտից» հեռանալուց հետո անվճար էր միացել գերմանական ակումբին։
