Ապրիլի սկզբին լուրեր էին պտտվում Քայլի Ջենների եւ Թիմոթի Շալամեի սիրավեպի մասին։ Ըստ DeuxMoi-ի՝ «Keeping up with the Kardashians» ռեալիթի շոուի աստղը եւ «Dune» ֆիլմի գլխավոր դերակատարն իբր միասին Նոր տարին նշել են Ասպենում, որից հետո հանգստացել են Թյորքս եւ Կայկոս կղզիներում։
Հրապարակման ինսայդերը բացահայտել է արտիստների սիրավեպի մանրամասները։
«Քայլին եւ Թիմոթին հանդիպում են, բայց նրանք փորձում են դա գաղտնի պահել։ Ժամանակի ընթացքում նրանք ավելի են մտերմանում։ Քայլիի ընտանիքը կարծում է, որ դա հիանալի է եւ նրանք աջակցում են նրան: Թիմոթիին դուր է գալիս, որ Քայլին այդպիսի մայր ու գործարար է: Նա գնահատում է աղջկա վստահությունը եւ նրան անհավանական գեղեցիկ է համարում»,- պատմել է աղբյուրը։
Նա նաեւ նշել է, որ Թրեւիս Սքոթի արձագանքը բացասական է եղել, բայց նա պահպանել է հարաբերությունները հանուն երեխաների. «Նա ուրախ չէ, որ Քայլին հեռացել է։ Բայց նրանք դեռ կենտրոնացած են երեխաներ դաստիարակելու եւ հնարավոր լավագույն ծնողներ լինելու վրա»:
