Իսպանացի կիսապաշտպան Սերխիո Բուսկետսը «Բարսելոնայի» պաշտոնական կայքում հրապարակած տեսանյութով հրաժեշտ է տվել կատալոնական ակումբին, որի խաղացող է 18 տարի։ Բուսկետսի գործող պայմանագիրը կավարտվի հունիսին։
34-ամյա ֆուտբոլիստը կատալոնական ակումբի սան է։ Ակումբային համակարգում է 2005 թվականից։ Դարձել է Իսպանիայի 8-ակի չեմպիոն, 7-ակի գավաթակիր եւ սուպերգավաթակիր, Չեմպիոնների լիգայի եռակի գավաթակիր, աշխարհի եռակի ակումբային չեմպիոն, Եվրոպայի եռակի սուպերգավաթակիր։
2022թ․ աշխարհի առաջնությունից հետո Բուսկետսն ավարտել էր կարիերան Իսպանիայի հավաքականում, որի հետ դարձել է աշխարհի ու Եվրոպայի չեմպիոն։
