Դերասանուհի Ջեյն Ֆոնդան 85-ամյակին ընդառաջ իր կայքում կիսվել է ուրախալի լուրով։ Նրա մոտ ախտորոշված քաղցկեղը ռեմիսիայի փուլում է, մի փաստ, որը նա անվանել է «ծննդյան օրվա լավագույն նվերը»:
«Ես այնքան երջանիկ եմ։ Շնորհակալ եմ բոլոր նրանց, ովքեր աղոթել եւ ինձ բարի մտքեր են ուղարկել»,- կիսվել է դերասանուհին։ Ֆոնդայի խոսքերով՝ նա այժմ կարող է ավարտել քիմիաթերապիայի կուրսը:
Դերասանուհին հայտնել է, որ սեպտեմբերին իր մոտ լիմֆոմա են ախտորոշել։ Նա նշել է, որ քիմիաթերապիայի առաջին կուրսից հետո իրեն «ավելի ուժեղ է զգացել, քան երբեւէ»։
«Քիմիաթերապիայի իմ առաջին չորս կուրսերը բավականին հեշտ էին ինձ համար, ես հոգնածություն էի զգում ընդամենը մի քանի օր, վերջին քիմիաթերապիայի սեանսը դժվար էր եւ տեւեց երկու շաբաթ», — պատմել է աստղը:
