Գրկախառնությունների ժամանակ արտադրվում են երջանկության հորմոններ, նվազում են մազանոթների սպազմը, տագնապայնության մակարդակը, ինչը նպաստում է օրգանիզմից շլակների դուրսբերմանը եւ պակասեցնում է հիպերտոնիկ հիվանդության առաջացման ռիսկը, RA.RU-ին ասել է սիրտ-անոթային վիրաբույժ, ընդհանուր պրակտիկայի բժիշկ Վլադիմիր Խորոշեւը։
«Գրկախառնումները կամ շփումները մեծագույն ուժ են։ Արտադրվում են էնդորֆին եւ օքսիտոցին։ Դա գերազանցում է վտսահության աստիճանը նրա հանդեպ, ում հետ գրկախանվում ես, եթե այդ մարդը առնվազն հաճելի է քեզ համար։ Նման հպումները նվազեցնում են տագնապայնության զգացողությունը եւ առաջ բերում գոհունակության հստակ զգացողություն։ Արտադրվում են սերոտոնին, դոֆամին, սրանք հանգստի եւ հավասարակշռված վիճակի հորմոններն են։ Այստեղից էլ նվազում է մազանոթների սպազմը։ Զարկերակային արյան հոսքը հյուսվածքներ եւ օրգաններ ավելանում է։ Ուժեղանում է թթվածնի մատակարարումը, հնարավոր բոլոր հանքային նյութերով եւ վիտամիններով սնուցումը»,- բացատրել է մասնագետը։
Այս պրոցեսը գրկախառնումների ժամանակ լավացնում է օրգանիզմից վնասակար նյութերի դուրսբերումը, նշել է սրտաբանը։
«Այդ վնասակար նյութերը, որոնք կուտակվում են նյութափոխանակության հետեւանքով, ավելի արագ են դուրս գալիս զարկերակային արյան եւ երակներով հոսքի միջոցով։ Այսպիսով, նվազում է ամեն տեսակ հնարավոր հիվանդությունների, այդ թվում զարկերակային հիպերտենզիայի առաջացման հավանականությունը»,- բացատրել է նա։
