Ամերիկացի ռեժիսոր Ֆրենսիս Ֆորդ Կոպոլան աստղ է ստացել Հոլիվուդի «Փառքի ծառուղում», հայտնում է Lenta.ru-ն՝ վկայակոչելով Variety-ին։
82-ամյա կինեմատոգրաֆիստի անունով աստղի բացման հանդիսավոր արարողությունը տեղի է ունեցել մարտի 21-ին։ Միջոցառմանը ներկա են եղել Կոպոլայի կինը՝ Էլինորը, քույրը՝ Տալիա Շայրը, որդին՝ Ռոմանը, թոռնուհին՝ Ջիան, ինչպես նաեւ դերասանուհի Էլ Ֆանինգն ու այլ հայտնիներ։
Կոպոլան առավել հայտնի է իր «Կնքահայրը» եռերգությամբ եւ վիետնամական պատերազմի մասին «Ապոկալիպսիսն այսօր» ֆիլմով։
