«Օսկար» մրցանակաբաշխության ընթացքում առաջին անգամ կհայտարարվի լավագույն ֆիլմը հանդիսատեսի կարծիքով։ Իրենց սիրելի ֆիլմը կարող են ընտրել Twitter-ի օգտատերերը։
Քվեարկությունը ֆիլմերի համար, որոնք էկրաններ են բարձրացել 2021թ․-ին, սկսել են փետրվարի 14-ին։ Twitter-ի օգտատերերը կարող են իրենց դուր եկած ժապավենը նշել մինչեւ մարտի 3-ը, հայտնում է The Hollywood Reporter-ը։
Բացի այդ՝ երկրպագուները կարող են կիսվել 2021թ․-ին թողարկված ֆիլմերից սիրելի հատվածներով։ Դրանք կտեղադրվեն #OscarsCheerMoment հեշթեգով։ Ամենահանրահայտ հատվածներն օգտատերերի մեկնաբանություններով կցուցադրեն արարողության ընթացքում։ Հանդիսատեսի քվեարկության առաջատարին եւս կհայտարարեն միջոցառման ընթացքում։
Մրցանակ կստանա ոչ միայն ֆիլմը, այլեւ քվեարկության հինգ մասնակից։ Օգտատերերին կինոթատրոնների անվճար տոմսեր կտրամադրեն, բաժանորդագրություն սթրիմինգահին հարթակներին եւ բացառիկ հուշանվերներ։
