Բիլբաոյի «Աթլետիկի» իսպանացի հարձակվող Ալեխանդրո Բերենգերը մեկնաբանել է 1։0 հաշվով հաղթանակը Մադրիդի «Ռեալի» նկատմամբ Իսպանիայի գավաթի խաղարկության քառորդ եզրափակիչում։ Հիմնական ժամանակի նախավերջին րոպեին էր Բերենգերը խփել դաշտի տերերի հաղթական գոլը։
«Տպավորիչ մթնոլորտում անցած այս խաղում մենք ավելի լավ տեսք ունեինք։ Ուրախ եմ, որ դարձյալ գոլ խփեցի եւ թիմին հաղթանակ բերեցի։
Հեշտ չէ հաղթել «Բարսելոնային» եւ «Ռեալին»։ Դրա հետեւում ահռելի աշխատանք է»,- Բերենգերի խոսքը մեջբերում է «Աթլետիկի» մամուլի ծառայությունը։
Իսպանիայի գավաթի խաղարկության 1/8 եզրափակիչում «Աթլետիկը» լրացուցիչ ժամանակում 3։2 հաշվով պարտության էր մատնել «Բարսելոնային»։
