Դրեյքը Սուրբ ծնունդին գումար է բաժանել կանադացի երկրպագուներին

Կանադացի ռեփեր Դրեյքը սուրբծննդյան տոների ընթացքում շրջել է իր հարազատ Տորոնտո քաղաքում եւ գումար բաժանել երկրպագուներին։ Այդ մասին իր ինստագրամյան էջում հայտնել է ամերիկացի բլոգեր DJ Akademiks-ը (Ալեն Լիվինգսթոն)։

Բլոգերի կողմից հրապարակված տեսանյութում Դրեյքը նստած է իր մեքենայի ետեւի նստատեղին, իսկ տեսանյութի հեղինակի ձեռքում կանադական դոլարի կապոց է։ Չի հաղորդվում, թե որքան գումար է ռեփերը նվիրել երկրպագուներին։ Երգիչը Սուրբ ծնունդն անց է կացրել որդու՝ Ադոնիսի հետ։

Դրեյքն ԱՄՆ-ում ամենաակտիվ բարեգործներից է։ «God’s Plan» երգի հիման վրա հատվածներ են ներկայացված, թե ինչպես է նա գումար բաժանում Մայամիի կարիքավոր ընտանիքներին։