Մադրիդի «Ռեալը» ցանկանում է բելգիացի հարձակվող Էդեն Ազարին փոխանակել Լոնդոնի «Չելսիի» պաշտպան Ռիս Ջեյմսի հետ, հաղորդում է El Nacional-ը։ Իտալացի Կառլո Անչելոտիի գլխավորած թիմը մտադիր է ուժեղացնել աջ պաշտպանի դիրքը։
«Չելսին» հետաքրքրված է Էդեն Ազարի վերադարձով։ Ընթացիկ մրցաշրջանում նա «Ռեալի» հետ մասնակցել է 14 հանդիպման, խփել 1 գոլ։ Նրա պայմանագիրը նախատեսված է մինչեւ 2024թ․ հունիսի 30-ը։ Transfermarkt-ը նրա տրանսֆերային արժեքը գնահատում է 25 միլիոն եվրո։
22-ամյա Ջեյմսը «Չելսիի» հետ այս մրցաշրջանում մասնակցել է 22 հանդիպման, խփել 5 գոլ, կատարել 6 գոլային փոխանցում։ Նրա պայմանագիրն անգլիական ակումբի հետ մինչեւ 2025թ․ հունիսի 30-ն է։ Անգլիացի ֆուտբոլիստի տրանսֆերային արժեքը գնահատվում է 55 միլիոն եվրո։
