Չավին դեմ է Պոգբայի տեղափոխությանը «Բարսելոնա»

Անգլիական «Մանչեսթեր Յունայթեդի» կիսապաշտպան Պոլ Պոգբան չի տեղափոխվի «Բարսելոնա», հաղորդում է Sport.es-ը։

28-ամյա ֆրանսիացի ֆուտբոլիստի գործակալ Մինո Ռայոլան հնարավոր տրանսֆերը քննարկել է կատալոնական ակումբի նախագահ Ժոան Լապորտայի հետ, սակայն տրանսֆերին դեմ է թիմի իսպանացի գլխավոր մարզիչ Չավին, որը կիսապաշտպանության ուժեղացման շտապ անհրաժեշտություն չի տեսնում։ Նրան հարկավոր է հարձակվող։

Բացի այդ Պոգբայի բարձր աշխատավարձն ու գործակալի մեծ միջնորդավճարը «Բարսելոնայի» այսօրվա ծանր ֆինանսական վիճակի համար ընդունելի չեն։

Ընթացիկ մրցաշրջանում Պոգբան «Մանչեսթեր Յունայթեդի» հետ մասնակցել է 7 հանդիպման, կատարել 7 գոլային փոխանցում։