Ուզբեկստանի մայրաքաղաք Տաշքենդում ընթացող ծանրամարտի աշխարհի առաջնության 109 կգ քաշայինների պայքարում կրկնակի օլիմպիական փոխչեմպիոն, աշխարհի եւ Եվրոպայի կրկնակի չեմպիոն, ծանրամարտի Հայաստանի հավաքականի առաջատար Սիմոն Մարտիրոսյանը երկրորդն է պոկում վարժությունից հետո:
Նա սկսեց 188 կգ-ով եւ վստահությամբ կատարեց մոտեցումը: Երկրորդ մոտեցման համար պատվիրված 193 կգ-ոց ծանրաձողը նույնպես հաջողությամբ պոկեց, բայց մրցավարները չհաշվեցին քաշը: Երրորդ մոտեցման համար Փաշիկ Ալավերդյանը պատվիրեց 196 կգ, բայց կրկնակի օլիմպիական փոխչեմպիոնը չկարողացավ գլխավերեւում ֆիքսել ծանրաձողը:
Այս վարժությունում Սիմոն Մարտիրոսյանը 188 կգ-ով նվաճեց փոքր արծաթե մեդալ՝ 7 կգ-ով զիջելով Տոկիոյի Օլիմպիական խաղերի չեմպիոն Ակբար Ջուրաեւին: Ուզբեկ ծանրորդը պոկում վարժությունում գրանցեց 195 կգ արդյունք:
Քիչ անց կմեկնարկի հրում վարժությունը: Առաջին մոտեցման համար Սիմոն Մարտիրոսյանը պատվիրել է 230 կգ:
