NEWS.am STYLE-ը շարունակում է հետաքրքիր փաստեր ներկայացնել հայտնի ֆիլմերի մասին։ Այսօր կխոսենք Ջոն Չուի ՝ 2008թ.-ի «Քայլ առաջ 2.փողոցները» ժապավենի մասին։
Եվ այսպես…
1. Չեյզի դերին պատրաստվելու ժամանակ Ռոբերտ Հոֆմանն իսկապես մասնակցել է գետնանցումում ընթացող բրեյք-դանսի փողոցային մրցումներին։
2. Ֆիլմի նկարահանումներով զբաղվել են Touchstone Pictures և Offspring Entertainment ընկերությունները։
3. Պարային խմբի անվանումը «410» է։ Դա Բալտիմոր քաղաքի հեռախոսահամարի կոդն է։
4. Ֆիլմում հայտնվում են MTV-ի հայտնի շոուի՝ Kings of the Dancefloor-ի ֆինալիստները՝ JabbaWockeez-ը։
5․ Այս ֆիլմն իր նախորդին գերազանցել է ընդամենը 36 միլիոն դոլարով։
6. Չենինգ Տատումը, որը գլխավոր դեր է խաղացել «Քայլ առաջ» Ֆիլմում, կրկին իր դերն է խաղացել կարճ կամեոյում:
7. Պրոդյուսերները շատ էին ցանկանում Տատումին տեսնել գլխավոր հերոսի դերում, սակայն դերասանը չցանկացավ նկարահանվել այդ դերում:
8. Ռեժիսոր Էնն Ֆլետչերին փոխարինել է Ջոն Մ. Չուն։
9. Դերասան Ադամ Սևանին իր նորամուտն է նշել ֆրանշիզայի այս մասում, որից հետո դարձել է «Քայլ առաջ» պարային շարքի խորհրդանիշը ՝ հայտնվելով մնացած բոլոր շարունակություններում:
10. Ֆիլմը մրցանակակիր Է դարձել MTV Movie Awards-ի «Լավագույն Համբույր» անվանակարգում, ինչպես նաեւ՝ Teen Choice Awards-ի եւ Imagen Foundation Awards-ի երկու անվանակարգերում:
11. 22 մլն դոլար բյուջեով ֆիլմը համաշխարհային վարձույթում հավաքել է 150 մլն դոլար։
Նորայր Նազարյան
