«Ամեն ինչ թողեցի, ընտրեցի նրան, բայց սխալ որոշում էր». Անյա Սահակյանը` կարճատեւ ամուսնության ու բաժանվելու պատճառի մասին

0

Դերասանուհի Անյա Սահականը, կարճատեւ ամուսնությունից հետո, ամուսնալուծվել է: Դերասանուհին լուրը հաստատեց NEWS.am STYLE-ի հետ զրույցում: Անյան առաջին անգամ խոսեց իր ամուսնության, նախկինում դրա մասին չխոսելու ու նախկին ամուսնուց բաժանվելու պատճառի մասին:

«Մեր հարաբերություններն օրիկնականացրել էինք 2020-ին, սակայն հարսանիք չէինք արել, քանի որ Հայաստանում այնպիսի շրջան էր, որ տոնախմբության ու դրա մասին բարձրաձայնելու տրամադրություն չկար: Համարյա 4 տարի միմյանց ճանաչում էինք, բայց ամուսնության հարցում շտապել եմ, այն էլ` ինչպես…»,-ասաց դերասանուհին` հավելելով, որ իրենց  համատեղ կյանքն ընդամենը մի քանի ամիս է տեւել:

«Բաժանվելու որոշումը ես եմ կայացրել: Ամենամեծ պատճառը նրա խանդն էր: Որքան էլ, որ հետագայում երկուսիս կողմից էլ փորձեր արվել են, շտկել իրավիճակը չստացվեց… Ինձ թվում էր՝ կյանքս կապել եմ հասուն տղամարդու հետ, այնինչ պարզվեց` այնպիսի մարդու հետ եմ ապրել, որն իմ կյանքին կարեւորություն չէր տալիս, փորձում էր իմ հաշվին կայանալ: Երբ տղամարդն անվստահ է լինում ինքն իր վրա, միշտ իր ներքին խնդիրները կնոջ վրա է բարդում: Ցավոք` ես թույլ կին չեմ, որպեսզի դա թույլ տամ: Թույլ տղամարդու մոտ միշտ կինն է մեղավոր»:

Հարցին` ինչ հարաբերություններ են պահպանել նախկին ամուսինները` Անյան պատասխանեց.

«Բացարձակ շփում չկա: Եթե մեկն իմ աչքից ընկնում է, այլեւս ոչ մի հետաքրքրություն չեմ ունենում նրա հանդեպ»:

Դերասանուհին այժմ փորձում է անցնել աշխատանքի, ինչը նրա խոսքով` նախկին ամուսինը թույլ չէր տալիս.

«Նկարահանվելու մասին խոսք անգամ չկար: Ամեն քայլ խնդիր էր առաջացնում, ամեն ինչ թողեցի, ընտրեցի իրեն, բայց սխալ որոշում էր: Վերջնական հասկացա, որ չեմ ցանկանում այլեւս իր հետ կիսել կյանքս, երբ ասաց, որ չի ուզում` օգնեմ կենդանիներին, կամ` որեւէ բարի գործ անեմ: Դա չէի կարող հանդուրժել: Հիմա վերադառնալու եմ իմ ասպարեզ: Արդեն նոր նախագծի շուրջ քննարկումներ կան»:

Դերասանուհին նշեց, որ անհաջող ամուսնությունն իրեն չի կոտրել. շարունակում է հավատալ իսկական ու մեծ սիրուն.

«Եթե կյանքում հանդիպել ես մեկին, որը քեզ արժանի չէր, չի նշանակում` պետք է հիասթափվես բոլորից: Կան նորմալ, կայացած մարդիկ, որոնք հաստատ կապացուցեն հակառակը: Իմ կյանքում առաջին դեպքն էր, որ նման մարդու հանդիպեցի, մինչ այդ արժանի մարդիկ են եղել, ուղղակի ես պատրաստ չէի ամուսնության: Այս դեպքում սխալ մարդու հետ կյանքս կապեցի»,-հավելեց նա:


Leave A Reply

Your email address will not be published.