Ֆրանսիական ՊՍԺ-ի նորեկ Լիոնել Մեսին ու Մադրիդի «Ռեալի» ֆրանսիացի հարձակվող Քարիմ Բենզեման ռեկորդ են սահմանել Չեմպիոնների լիգայում:
Նրանք պատմության առաջին ֆուտբոլիստներն են, որոնք Չեմպիոնների լիգայում գոլ են խփում 17-րդ մրցաշրջանում անընդմեջ, հայտնում է Opta-ն:
Չեմպիոնների լիգայի խմբային փուլի երկրորդ տուրում արգենտինացի հարձակվողը գրավել էր անգլիական «Մանչեսթեր Սիթիի» դարպասը (2:0), իսկ Բենզեման աչքի էր ընկել մոլդովական «Շերիֆի» դեմ տնային խաղում (1:2):
34-ամյա Մեսին առաջին գոլը խփեց ՊՍԺ-ում:
