Ազգային ժողովում իշխանությունն ու ընդդիմությունն ընդհանուր հայտարարի են եկել Սյունիքում տիրող իրավիճակի շուրջ քննարկումներ կազմակերպել խորհրդարանում ԱԱԾ տնօրենի, ԱԳ նախարարի, գլխավոր դատախազի, ՊԵԿ նախագահի և պատկան այլ մարմինների ղեկավարների մասնակցությամբ։ Այս մասին հայտնեց «Հայաստան» դաշինքի անդամ Արծվիկ Մինասյանը։ Պատգամավորի փոխանցմամբ՝ այժմ քննարկվում է քննարկումը կազմակերպելու օրվա և ժամի հարցը։ Հիշեցնենք` ըստ ՀՀ ԱԱԾ-ի, ադրբեջանական ոստիկանությունը Որոտանի հատվածում անցակետ է տեղադրել և իրանական բեռնատարներից տարանցման գումար է գանձում։
