Ամերիկացի թեթև քաշային Դասթին Պորիեն ներողություն է խնդրել երկու քաշային կարգերում UFC-ի նախկին չեմպիոն Քոնոր Մաքգրեգորից: Իռլանդացի մարտիկը խոստացել էր հունվարին 500 հազար եվրո փոխանցել Պորիեի բարեգործական հիմնադրամին, սակայն ամերիկացին հայտարարել էր, որ իր առաջիկա մրցակիցը չի կատարել խոստումը: Դրանից հետո Քոնոր Մաքգրեգորը սոցցանցերում հայտնել էր Պորիեի հետ մենամարտը չեղյալ հայտարարելու մասին:
«Ես չափազանց տարված եմ բարեգործությամբ: Ես շտապեցի ու հրապարակեցի ներքին տվյալներ: Ներողություն եմ խնդրում:
Մենք ապրում ենք, մենք սովորում ենք: Բարի գործ անելն իմ նպատակն է: Զգում եմ, որ ստեղծել եմ բացասական էներգիա, սակայն միշտ փորձում եմ ժպտալու առիթներ տալ մարդկանց»,- թվիթերյան էջում գրել է ամերիկացին:
Հիշեցնենք, որ Մաքգրեգորի ու Պորիեի միջև երրորդ մենամարտը նախատեսված է անցկացնել հուլիսի 10-ին կայանալիք UFC 257 մրցաշարում:
Հունվարի 24-ին Աբու Դաբիի «Մարտական կղզում» անցկացված UFC 257 մրցաշարում Դասթին Պորիեն երկրորդ ռաունդում նոկաուտով հաղթել էր իռլանդացի մարտիկին:
Մաքգրեգորը և Պորիեն հանդիպել էին նաև 2014-ի սեպտեմբերի 27-ին, երբ իռլանդացին հաղթել է տեխնիկական նոկաուտով:
