Պեսկով. Ղարաբաղում «Իսկանդեր» հրթիռների բեկորների հայտնաբերման թեմայով սերտ երկխոսություն է ընթանում
Ռուսաստանի եւ Ադրբեջանի զինվորականները Ղարաբաղում «Իսկանդեր» հրթիռների բեկորների հայտնաբերման թեմայով սերտ երկխոսություն են վարում: Այս մասին հայտարարել է ՌԴ նախագահի մամուլի խոսնակ Դմիտրի Պեսկովը, հաղորդում է ՏԱՍՍ-ը:
«Զինվորականների գծով սերտ երկխոսություն է ընթանում, որի ժամանակ քննարկվում են բոլոր համապատասխան հարցերը»,-ասել է Պեսկովը՝ պատասխանելով հարցին, թե արդյոք բարձրացվել է «Իսկանդեր» հրթիռների բեկորների հայտնաբերման թեման Ռուսաստանի եւ Ադրբեջանի նախագահներ Վլադիմիր Պուտինին եւ Իլհամ Ալիեւի հեռախոսազրույցի ժամանակ:
Պեսկովը բացասական է պատասխանել հարցին, թե արդյոք Պուտին-Ալիեւ հեռախոսազրույցի ժամանակ քննարկվել է անցած տարի նոյեմբերին Հայաստանի երկնքում Ադրբեջանի հետ սահմանի մոտ ռուսական Մի-24 ուղղաթիռի խոցման թեման:
