Ինչպես տեղեկացրել էինք, երեկ՝ մարտի 14-ին, խոշոր ու ողբերգական ավտովթար է տեղի ունեցել Արագածոտնի մարզում, որի հետևանքով կա 4 զոհ, ևս մեկի վիճակը ծայրահեղ ծանր է:
ՀՀ ոստիկանությունը մանրամասներ է հայտնել ողբերգական վթարից։
«Մարտի 14-ին՝ ժամը 19:00-ի սահմաններում, Երևան-Գյումրի ճանապարհի 67-րդ կմ-ին «Օպել» մակնիշի ավտոմեքենան դուրս է եկել երթևեկելի մասից, բախվել քարերին և կողաշրջվել:
15-ամյա ուղևորներ Մարատ Խաչատրյանը և Յուրի Աբրահամյանը տեղում մահացել են, իսկ 15-ամյա վարորդը և մյուս ուղևորները՝ 15-ամյա Էդգար Գրիգորյանը և Սարգիս Ալեքսանյանը, մարմնական վնասվածքներով տեղափոխվել են հիվանդանոց, որտեղ Էդգար Գրիգորյանն ու Սարգիս Ալեքսանյանը մահացել են:
Կատարվում է քննություն»,- նշված է ոստիկանության հաղորդագրության մեջ:
Լուսանկարը՝ Shamshyan.com-ի։
