Ոճաբան եւ նորաձեւության լրագրող Քեթի Գրանդը ցուցադրել է Fila սպորտային բրենդի հետ համատեղ հավաքածուն՝ ի պատիվ 110-ամյա հոբելյանի: Շնորհանդեսը տեղի է ունեցել ֆեշն-ֆիլմի ձեւաչափով։ Ռեժիսորը Սթիվ Մակին է։ Հավաքածուի ստեղծման ժամանակ Գրանդը ոգեշնչվել է Fila-ի արխիվային մոդելներից։ Հավաքածուում տեղ են գտել թենիսի կոստյումներ, կոմբինեզոններ, ասիմետրիկ տոպեր, պոլո վերնաշապիկներ, լողազգեստներ եւ բաճկոններ: Բացի բրենդի ֆիրմային գույներից (կապույտ, կարմիր եւ սպիտակ), հավաքածուի պալիտրայում տեղ են գտել դեղին եւ կանաչ գույները:
