Սուչժոուի դատարանը կայացրել է նախնական որոշում Baneberry ապրանքանիշի հիմնադիր Xinboli Trading (Shanghai) Co. ընկերության դեմ Burberry-ի հայցով։ Բրիտանական ապրանքանիշը չինականին մեղադրել է կրկնօրինակման եւ հեղինակային իրավունքների խախտման համար։
Baneberry-ն չինական ամենաարագ զարգացող ապրաքանիշերից է։ Վերջին մեկուկես տարվա ընթացքում այն 40 առցանց խանութ է բացել, միեւնույն ժամանակ մեծացրել առցանց վաճառքը։ Baneberry-ի լոգոտիպի վրա, ինչպես Burberry-ի դեպքում հեծյալ է նկարված։ Ապրանքանիշն իր արտադրանքում լայնորեն օգտագործում է վանդակներ։
Գործով դատական գործընթացը դեռեւս ավարտված չէ։ Business of Fashion-ը նշում է, որ չինական իրավական համակարգի դեպքում նման նախնական որոշումները հազվադեպ են։ Դատավորների հայտարարության համաձայն՝ գործը հատկապես արագ քննության կարիք ուներ, քանի որ Baneberry-ն գնորդներին մոլորեցրել է. չինացի հաճախորդները ցանկացել են Burberry-ի վանդակավոր իր գնել, բայց հանդիպել են Baneberry-ին։
