Դերասան Լեոնարդո դի Կապրիոն եւ նրա Appian Way ստուդիան ֆիլմերի ու հեռուստատեսային նախագծների արտադրության մասին բացառիկ պայմանագիր են կնքել Apple-ի հետ, հայտնում է The Hollywood Reporter-ը։
Այս գործարքում, ի տարբերություն Warner Bros-ի եւ Paramount Pictures-ի հետ պայմանագրերի, շեշտադրում կկատարվի հենց հեռուստատեսային նախագծերի վրա։
Մասնավորապես հաղորդվում է, որ Apple-ը մոտավորապես 200 մլն դոլար կներդնի Դեւիդ Գրանի գրքի հիման վրա «Ծաղկավոր լուսնի սպանողները» ֆիլմի նկարահանումներում։ Ժապավենի ռեժիսորը կլինի լեգենդար Մարտին Սկորսեզեն։
