Դերասանուհի Լինա Հիդին, որը հայտնի է «Գահերի խաղը» սերիալում Սերսեա Լանիստերի դերակատարմամբ, հրաժարվել է նույն տեսարաններում նկարահանվել կոլեգայի՝ Ջերոմ Ֆլինի հետ, որը սերիալում մարմնավորում է Բրոնի կերպարը, հայտնում է The Sun-ը։
Ըստ հրատարակության տվյալների՝ նախկինում նրանք հարաբերություններ են ունեցել եւ ցավոտ բաժանում վերապրել։ Դրանից հետո Հիդին սերիալի հեղինակներին խնդրել է նկարահանումներն այնպես ծրագրել, որ ստիպված չլինի նկարահանման հրապարակում հանդիպել նախկին սիրելիի հետ։
Նշվում է, որ դերասանները փորձել են գաղտնի պահել իրենց անձնական կյանքը, սակայն նրանց համար անհարմար է եղել միասին լինել աշխատավայրում։ HBO հեռուստաընկերության եւ Հիդիի ներկայացուցիչները հրաժարվել են մեկնաբանել իրավիճակը, սակայն The Sun-ի աղբյուրը պատմել է, որ արտիստն անկեղծորեն ատում է Ֆլինին, որի հետ սկսել է հանդիպել 2003թ.-ին։
Ըստ լուրերի՝ նա սիրավեպ է ունեցել սերիալի մեկ այլ հերոսի՝ 43-ամյա Պեդրո Պասկալի հետ, որը «Գահերի խաղ»-ի հիմնական դերասանական խմբին միացել է 2013թ.-ին եւ մարմնավորել Օբերին Մարտելի կերպարը։
Լինան եւ Պեդրոն երդվյալ թշնամիների կերպարներ էին մարմնավորում, սակայն միասին որախ ժամանակ էին անցկացնում, զբոսնում, հանգստի մեկնում, Instagram-ում համատեղ լուսանկարներ հրապարակում եւ սոցիալական ցանցերում քնքշորեն արտահայտվում միմյանց մասին։ Այդ պատճառով մամուլում կրքոտ սիրավեպի մասին տեղեկություններ հայտնվեցին, թեեւ Հիդին եւ Պասկալը հերքում էին այդ վարկածները՝ հայտարարելով, որ «պարզապես ընկերներ են»։
