Ռուս բժիշկներն աշխարհում առաջին անգամ երեխային միաժամանակ լյարդ եւ թոքեր են փոխպատվաստել
Շումակովի անվան փոխպատվաստաբանության ազգային բժշկական հետազոտական կենտրոնի բժիշկներն աշխարհում առաջին անգամ միաժամանակ լյարդ եւ թոքեր են փոխպատվաստել մուկովիցիդոզով հիվանդ իննամյա տղային:
«Դա փաստորեն երեխային երեք օրգանների առաջին հաջող փոխպատվաստումն Է, որովհետեւ մեզ մոտ թոքերը երկուսն են»,- ասել Է կենտրոնի տնօրեն Սերգեյ Գոտիեն, որը կատարել Է վիրահատությունը: Նման վիրահատություններն աշխարհում կատարվում են շատ քիչ, իսկ այս տարիքի երեխաների հաջող փոխպատվաստումներ բժշկագիտական գրականության մեջ բնավ նկարագրված չեն:
Վիրահատությունը տեղի Է ունեցել փետրվարի 2-ին եւ ընթացել Է 16 ժամ: Այժմ տղան «բացարձակ վերականգնված Է» եւ պատրաստ դուրսգրման: Փոխպատվաստում կատարած վիրաբույժի խոսքով՝ նման վիրահատություն տանելու համար պետք Է շատ ուժեղ բնավորություն» ունենալ, հաղորդել Է «Ինտերֆաքսը»:
