49-ամյա Ջենիֆեր Լոպեսը կստանա Fashion Icon Award («Ոճի կուռք») տիտղոսը։ Ամերիկայի մոդելյերների խորհուրդը երգչուհուն եւ դերասանուհուն տարվա ամենաոճային կին է ճանաչել։
CFDA մրցանակի հանձնման արարողությունը տեղի կունենա հունիսի 3-ին՝ Նյու Յորքի Բրուքլինյան թանգարանում։ Ջենիֆերը խոստովանել է, որ անհամբերությամբ սպասում է այդ պահին։
Աստղը մրցանակի կստանա նորաձեւության ասպարեզում ներդրման համար։ «Versace-ի հայտնի զգեստից մինչեւ երաժշտական տեսահոլովակներ, որոնք ներառվել են փոփ արվեստի պատմության մեջ եւ բազմաթիվ կերպարներ կարմիր գորգին. Ջենիֆեր Լոպեսի ոճը միշտ կարկառուն է եղել»,- հայտարարել են CFDA-ի ներկայացուցիչները։
Մոդելյերների խորհրդի հիմնադիր Դիանա ֆոն Ֆյուրստենբերգը նշել է, որ Ջենիֆեր Լոպեսի վաստակը նաեւ այն է, որ նա ինքնավստահություն է ցուցադրում։ Փորձագետները հիշատակել են նաեւ արտիստի JLo by Jennifer Lopez ապրանքանիշը, որը վերջինս հիմնել է 2001թ.-ին։
Ավելի վաղ Ջենիֆեր Լոպեսը խոսել է տարիքի նկատմամբ իր վերաբերմունքի մասին։ Նա կարծում է, որ կանանց վաղ են սկսում ուշադրություն չդարձնել։
