Լոնդոնի «Չելսիի» սեփականատիր Ռոման Աբրամովիչը մոտ էր իր ֆուտբոլային կյանքը այլ ակումբի հետ կապելուն: Ընդ որում, ռուս գործարարը կարող էր ֆինանսավորել այլ լոնդոնյան թիմի:
Daily Mail-ը գրում է, որ Աբրամիվիչը 2000-ականներին հատուկ փաստաբաններ ու բանկային աշխատակիցների էր վարձել, որպեսզի նրանք բանակցություններ վարեն «Արսենալի» ներկայացուցիչների հետ: Որոշ ժամանակ անց Աբրամովիչին հայտնել են, որ «Արսենալը» չի վաճառվում, սակայն ավելի ուշ այդ տեղեկությունը հերքել է «զինագործների» նախկին փոխնախագահ Դևիդ Գեյնը՝ նշելով, որ նրանք բաց են եղել բանակցությունների համար:
Հետո Աբրամովիչին առաջարկել են ներդրումներ կատարել «Տոտենհեմում», սակայն «Տոտենհեմ հայ-ռուդ» ճանապարհը հիասթափեցրել է ռուս գործարարին: «Այստեղ ավելի վատ է, քան Օմսկում», – ասել է Աբրամովիչը:
